सुनसरी, १३ चैत ।किरात धर्मावलम्बीहरुको धार्मीक ग्रन्थ ‘मुन्धुम’मा उल्लेखीत ‘खुवालुङ’ पानी ढुंगालाई किरांतीहरु आफ्नो उत्पतीको थलो मान्दछन् । उदयपुर, धनकुटा, भोजपुर जिल्लाको सिमानामा रहेको किराँतीहरुको उदय भएको मानिने उक्त ढुंगा फुटाउने चर्चा चलेसँगै सरोकारवालाहरुले त्यसो नगर्न आग्रह गरेका छन् ।
सप्तकोशी नदीमा संचालीत पानी जहाजलाइ बाध पुगेको भन्दै उदयपुर, धनकुटा, भोजपुरको त्रिवेणीमा रहेको पानी ढुंगा ‘खुवालुङ’ फुटाउने तयारी प्रति सरमोकारवालाहरुले असन्तुष्टि पोखेका छन् । किरांतीहरुको उत्पतीको थलो मानिने र धार्मिक पहिचान बोकेको खुवालुङ नफुटाउन स्थानीय तथा सरोकारवालाहरुले जोड दिएका छन् ।
नदिको बिचमा रहेको ‘खुवालुङ’ ढुङगाको कारण जहाज संचालनमा जोखीम भएकोले त्यसलाई फुटाउन लागिएको भनिएको छ । चर्चामा आएको ‘खुवालुङ’का कारण व्यवसायीलाई फाईदा पुगिरहेको कारण वैकल्पीक जलमार्ग सरकारले निर्माण गर्न आवश्यक रहेको व्यवसायीहरुको भनाइ छ । ।
किरातिंहरुको धार्मीक आस्थाको केन्द्रबिन्दु रहेको ‘खुवालुङ’ लाई संरक्षण गरि वैकल्पिक जलमार्ग निर्माण गर्न सके सबैपक्षमा सकारात्मक सन्देश जाने वास्तविकतालाई सम्बन्धित पक्षले गम्भिरतापूर्वक लिनु पर्ने देखिन्छ ।
किरांतीको धार्मिक पहिचान बोकेको ‘खुवालुङ’ नफुटाउन आग्रह
