एजेन्सी, ८ चैत । आइसल्याण्डको राजधानी रिकिविकको दक्षिण–पश्चिमी क्षेत्रमा विस्फोट भएको ज्वालमुखी शान्त हुँदै गएको बैज्ञानिकहरुले बताएका छन् । राजधानी रिकिविकबाट करिव ४० किलोमिटरको दुरीमा रहेको रिकिन्स प्रायद्धिपको फाग्राडाल्स्फलमा शुक्रबार राति ज्वालामुखी बिस्फोट भएको हो ।
हाल ज्वालामुखीबाट निस्केको लाभाको गति कम रहेको र शान्त हुँदै गएको बैज्ञानिकहरुले बताएका हुन् । ज्वालामुखीबाट निस्केको लाभा सयौँ मिटरसम्म फैलिएका छन्।
गएका केही हप्ताहरुमा ज्वालामुखी क्षेत्रमा हजारौँ भूकम्पहरु गएका थिए । ज्वालामुखीबाट निस्केका ग्यासबाट हुन सक्ने प्रदुषणलाई प्रमुख चूनौतीको रुपमा लिइएको छ जसकारण सो क्षेत्र वरपरका स्थानीयलाई घरको झ्याल ढोका बन्द राख्न भनिएको छ ।
आइसल्याण्डको मौसम विभागले भने ज्वालामूखी विस्फोट पछि ठूला पत्थर तथा ढुंगाहरु आउन सक्ने तथा पहिरो समेत जान सक्ने भन्दै स्थानीय बासिन्दालाई सचेत गराएको थियो ।
