सुबास चौलागाई
भक्तपुर, २६ फागुन । भक्तपुरमा झुण्डीएको अवस्थामा एक पुरुषको शव फेला परेको छ । भक्तपुर नगरपालिका वडा २ वर्खेपाटी स्थित पाटी भित्र एक जना झुण्डीएको अवस्थामा शव फेला परेको हो ।
मंगलबार बिहान भक्तपुर नगरपालिका वडा २ वर्खेपाटीभित्र एक जना व्यक्ति गम्छा सेतोकपडाको पासो लगाई झुण्डीएको अवस्थामा शव फेला परेको महानगरीय प्रहरी परिसर भक्तपुरका सुचना अधिकारि डिएसपी दिपक गिरीले जानकारी दिए ।
मृतक गहुँ गोरो बर्ण, पातलो शरिर, बाँया हात मा अल्फाबेट ट्याटु खोपेको, फ्रेन्च कट दाह्री भएको, क्षत्री बाहुन जस्तो देखिने अन्दाजी ३० देखि ३२ वर्ष जस्तो देखिने पुरुष रहेको र अहिलेसम्म पहिचान नखुलेको परिसरका सूचना अधिकारी प्रहरी नयाब उपरीक्षक दीपक गिरीले बताए ।
शवलाई अहिले पोष्टमार्टमको लागि भक्तपुर अस्पताल पठाई थप अनुसन्धान भई रहेको सूचना अधिकारी गिरीको भनाई छ ।
