काठमाडौं, २५ फागुन । नेकपा माओवादी केन्द्रले सरकार गठनका विषयमा नेपाली कांग्रेस र जनता समाजवादीसंग वार्ता गर्ने निर्णय गरेको छ। मंगलबार बसेको सो पार्टीले यस्तो निर्णय गरेको सो पार्टीका प्रवक्ता नारायणकाजी श्रेष्ठले जानकारी दिए।
श्रेष्ठका अनुसार संसद र सरकारका विषयमा वार्ता केन्द्रित हुने छ। विशेषगरी नेपाली कांग्रेस र जनता समाजवादी पार्टीसंग कुरा गर्ने निर्णय गरेको छ।
त्यसैगरी सो पार्टीले २९ फागुनमा केन्द्रीय समितिको बैठक बोलाएको छ भने चैत १ गते कार्यकर्ताभेलाको आयोजना गर्ने निर्णय गरेको छ। एमालेमा रहेका सांसदहरुका बारेमा के हुन्छ भनि सोधेको एक जिज्ञासामा श्रेष्ठले उनीहरुको धारणा आएपछि यस बिषयमा निर्णय लिने बताए।
