Our Network

वैशाख ९ २०७८, बिहीबार

भारतमा शरण लिन पुगेका आफ्ना देशका सुरक्षाकर्मीलाई तत्काल फिर्ता पठाउन भारतलाई म्यानमारको आग्रह

एजेन्सी, २३ फागुन। म्यानमारले भारतमा शरण लिन पुगेका आफ्ना देशका सुरक्षाकर्मीहरुलाई तत्काल फिर्ता पठाउन आग्रह गरेको छ ।

दुई मुलुकबीचको सम्बन्ध बनाइ राख्न भन्दै भारतमा शरण लिन पुगेका आफ्ना सुरक्षाकर्मी फिर्ता गर्न म्यानमारले आग्रह गरेको हो ।

प्रहरी फिर्ता गरिदिन भन्दै बर्मेली सैन्य सरकारले भारतलाई पत्र नै लेखेको छ । सो पत्रमा दुवै देशबीच मैत्रीपूर्ण सम्बन्ध कायम राख्न प्रहरीहरूलाई फिर्ता गर्नुपर्ने उल्लेख छ । बर्मेली सेनाले देशका ८ जना प्रहरीहरू भागेर भारत पुगेको दाबी गरेको छ । ती प्रहरीहरूलाई हिरासतमा लिन र आफूहरूलाई सुम्पन म्यानमारले आग्रह गरेको हो ।

भारतीय राज्य मिजोरमस्थित जम्पई जिल्लाका वरिष्ठ डेप्युटी कमिश्नर मारिया सिटी जुआलीले म्यानमारको फालाम जिल्लाका आफ्ना समकक्षीको पत्र प्राप्त भएको जानकारी दिएपनि आधिकारीक रुपमा कुनै निर्णय नगरिएको जनाएका छन् ।

सेनाले कू गरेपछि आदेश अवज्ञा गर्दै म्यानमारबाट प्रहरीहरू भारततर्फ भागेका थिए । ती बर्मेली प्रहरीहरू शरण माग्दै सीमावर्ती क्षेत्रमा बसिरहेका छन् । यता म्यानमारका सैन्य ‘कू’ को विरोध जारी प्रदर्शनका क्रममा सेनाले बल प्रयोग गर्दा थप प्रदर्शनकारी घाइते भएका छन् ।

Leave a Reply

Your email address will not be published. Required fields are marked *