काठमाडौं, २० फागुन । पछिल्लो २४ घण्टामा नेपालमा १ सय ७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएका ५ हजार ५ सय ३६ पीसीआर परीक्षणमध्ये बिहीबार १ सय ७ जना कोरोना संक्रमित थपिएका हुन् । योसँगै देशभर संक्रमितको कुल संख्या २ लाख ७४ हजार ४ सय ८८ पुगेको छ ।
त्यसैगरी पछिल्लो २४ घण्टामा ७८ जना संक्रमणमुक्त भएको स्वास्थ्य मन्त्रालयले जनाएको छ । यससँगै हालसम्म संक्रमणमुक्त हुनेको संख्या २ लाख ७० हजार ६ सय ८६ पुगेको छ ।
पछिल्लो २४ घण्टामा कोरोनाबाट मृत्यु हुनेको संख्या भने शून्य रहेको स्वास्थ्य मन्त्रालयले जनाएको छ । यद्यपी हालसम्म कोरोनाबाट मृत्यु हुनेको संख्या ३ हजार १० पुगेको छ । हाल देशभर सक्रिय संक्रमितको संख्या ७ सय ७५ रहेको छ ।
