काठमाडौं, ९ चैत। पछिल्लो २४ घण्टामा नेपालमा १ सय ५० जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा भएका ४ हजार ४७२ पीसीआर परीक्षणमध्ये १ सय ५० जना कोरोना संक्रमित थपिएका हुन् । योसँगै देशभर संक्रमितको कुल संख्या २ लाख ७६ हजार ५६ पुगेको छ ।
त्यसैगरी पछिल्लो २४ घण्टामा ९९ जना संक्रमणमुक्त भएको स्वास्थ्य मन्त्रालयले जनाएको छ । यससँगै हालसम्म संक्रमणमुक्त हुनेको संख्या २ लाख ७२ हजार २० पुगेको छ ।
पछिल्लो २४ घण्टामा कोरोनाबाट मृत्यु हुनेको संख्या ३ रहेको स्वास्थ्य मन्त्रालयले जनाएको छ । यद्यपी हालसम्म कोरोनाबाट मृत्यु हुनेको संख्या ३ हजार १९ पुगेको छ।
