विराटनगर, १६ माघ । दाहाल–नेपाल पक्षका नेकपा अध्यक्ष पुष्पकमल दाहालले आवश्यक परे प्रतिनिधिसभाको बैठक बोलाउने चेतावनी दिनुभएको छ । शुक्रबार सो पार्टीले विराटनगरमा आयोजना गरेको बिरोध प्रदर्शन तथा सभालाई सम्बोधन गर्दै यस्तो चेतावनी दिनुभएको हो ।
‘संविधानमा हुँदै नभएको अधिकार प्रयोग गरेर प्रधानमन्त्री केपी ओलीले संसद विघटन गरे । आफूहरुलाई प्रतिनिधिसभाको बैठक गर्ने अधिकार संविधानले दिएको छ, ’ दाहालले भन्नुभयो । प्रधानमन्त्री केपी शर्मा ओलीले दाहालले परिवारका लागि राजनीति गरे भनि लगाइएको आरोपाको प्रतिवाद गर्नुभयो ।
‘तपाईंहरूलाई थाहा छ, मैले लामो जनयुद्धको र त्यसपछि शान्ति प्रक्रियाको पनि नेतृत्व गरें, त्यो लामो आन्दोलनमा मेरा छोराछोरी अरु सरह लडे,’ उहाँले भन्नुभयो, ‘उनीहरू जनताबाट चुनिए । तर, केपी ओलीले जसरी धर्म छोराछोरी पालेर भ्रष्टाचारको पक्षपोषण गरिनँ।’ दाहालले भन्नुभयो।
प्रचण्डको प्रश्न थियो ‘७० करोड खानेहरूलाई उसले खाएकै होइन भन्दै जोगाउने को हो ? देश कोरोनाको महामारीमा परेका बेला त्यसको औषधिमासमेत भ्रष्टाचार गर्नेलाई संरक्षण गर्ने हो हो ?’
संसद विघटन गरेर ओलीले संविधान विघटनको प्रयास गरेको भन्दै दाहालले, ‘नेपालको इतिहासमै पहिलोपटक जनताका प्रतिनिधिले बनाएको संविधानमाथि उनले हमला गरेका छन् । यो जनताको सार्वभौमिकतामाथिको हमला हो।’ दाहालको आरोप थियो।
