काठमाडौं, १६ मंसिर । मंगलबार सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार छापावाला सुनको मुल्य तोलामा ५ सय रुपैयाँले बढेर ९० हजार ५ सय पुगेको छ ।
सोमबार छापावाला सुन तोलाको ९० हजारमा कारोबार भएको थियो । त्यस्तै मंगलबार तेजावी सुनको मुल्य प्रतितोला ८९ हजार ५० रुपैयाँ कायम भएको छ ।
त्यसैगरी चाँदीको मुल्य तोलामा ३५ रुपैयाँले बढेर ११ सय ५५ रुपैयाँ कायम गरिएको छ । सोमबार चाँदी तोलाको ११ सय २० रुपैयाँमा कारोबार भएको थियो ।।
