एजेन्सी, ९ कार्तिक । ब्रुनईका राजकुमार हाजी अब्दुल अजिमको निधन भएको छ ।
शनिबार ३८ वर्षीय अजिमको असामयिक निधन भएको हो । सन् १९८२ जुलाई २९ मा राजधानी बन्दर सेरी बेगावानमा जन्मनुभएका अजिम ब्रुनईका सुल्तान हाजी हसनल बोल्किआका दोस्रो सुपुत्र हुनुहुन्थ्यो ।
सुल्तानको कार्यालयले जारी गरेको विज्ञप्ति अनुसार राजकुमार अजिमको निधनप्रति शोक मनाउँदै ब्रुनेईमा सात दिनसम्म आधा झण्डा झुकाइने र कुनै पनि औपचारिक कार्यक्रम नगर्ने बताइएको छ ।