ट्रम्पले कोरोनालाई संक्रमणलाई हल्का रुपमा लिएको आरोप
एजेन्सी , २१ असोज । अमेरिकी राष्ट्रपति पदका डेमोक्र्याट प्रत्याशी जो बाइडेनले राष्ट्रपति डोनल्ड ट्रम्पसँग अर्को चरणको टेलिभिजन बहस गर्न अस्वीकार गर्नुभएको छ ।
राष्ट्रपति ट्रम्पलाई कोरोना निको भएकोमा शंका गर्दै बाइडेनले केही गरी अझै पनि ट्रम्प संक्रमित नै भए दोस्रो टेलिभिजन बहस गर्न नहुने उहाँले बताउनुभएको हो ।
बाइडेनले राष्ट्रपति ट्रम्पलाई अझै पनि कोभिड रहेको भए बहस गर्न नहुने भन्दै उहँले कडा दिशानिर्देशनको पालना गनपर्ने बताउनुभयो । आगामी बहस फ्लोरिडाको मियामीमा यही १५ अक्टोबरका लागि तय गरिएको छ ।
१ अक्टोबर बिहीबार गरिएको परीक्षणमा ट्रम्पमा संक्रमण पोजिटिभ देखिएको थियो । त्यसपछि उहाँको अमेरिकी सैन्य अस्पतालमा उपचार गरिएको थियो । ६ अक्टोबरमा गरिएको अर्को परीक्षणमा नेगेटिभ देखिएपछि उहाँ अस्पतालबाट डिस्चार्ज हुनुभएको छ ।
