एजेन्सी, १४ असोज । कुवेतका राजा शेख सबाह अल अहमद अल सबाहको ९१ वर्षको उमेरमा निधन भएको छ ।
उपचारका लागि अमेरिका रहेका सबाहको उपचारकै क्रममा निधन भएको हो । विगत लामो समयदेखि बिरामी रहदै आउनुभएका शेख गत जुलाइमा उपचारका लागि अमेरिका जानुभएको थियो ।
उहाँको निधन पश्चात कुवेतको मन्त्रिपरिषदले उहाँका भाइ ८३ वर्षीय शेख नवाफ अल अहमद अल सबालाई उत्तराधिकारीका रुपमा घोषणा गरेको छ ।
शेख सबाह १९९० मा भएको खाडी युद्धपछि इराकसँग सम्बन्ध बढाउन तेल सम्पन्न राष्ट्रका शीर्ष नेताका रुपमा चिनिनुहुन्थ्यो ।
शेख सबा अल अहमदले सन २००६ देखि समृद्ध खाडी अरब राज्यमा शासन गर्दै आएका आउनुभएको थियो । उहाँले ५० वर्षभन्दा बढी समय विदेश नीतिको नेतृत्व समेत गर्नुभएको थियो । साथै उहाँले जीवनको धेरै समय क्षेत्रीय तनाव व्यवस्थापनमा मध्यस्थताको भूमिका निभाउनुभएको थियो ।
