एजेन्सी, २७ भदौ । जर्मनीका अलेक्जेन्डर भेरभ र अष्ट्रियाका डोमिनिक थिएम यूएस ओपन टेनिस २०२० पुरुष एकलको फाइनलमा पुगेका छन् । अमेरिकाको न्युयोर्कमा शनिबार भएको सेमिफाइनलमा स्पेनका पाब्लो क्यारेनो बुस्टालाई ३ –६, २–६, ६–३, ६–४ र ६–३ को संघर्ष पुर्ण ५ सेटमा हराउदै भेरभ फाइनलमा पुगेका हुन् ।
यसैगरी थिएम रुसका डयानीयल मेडभेडेभलाई ६–२, ७–६ र ७–६को सेटमा हराउदै फाइनलमा पुगेका हुन् । फाइनल खेल आइतबार हुनेछ ।
यूएस ओपन टेनिस २०२० को महिलातर्फ जापानकी नाओमी ओसाका र बेलारुसकी भिक्टोरिया अजरेन्का फाइनलमा पुगिसकेका छन् ।