काठमाडौं, ७ असोज । महोत्तरीको जलेश्वर नगरपालिका प्रमुख र उपप्रमुखमा राजपा नेपाल विजयी भएको छ । प्रमुखमा रामशङ्कर मिश्रले पाँच हजार १८० मत प्राप्त गरी विजयी भएका छन् ।
उनका निकटतम प्रतिद्वन्दी नेपाल लोकतान्त्रिक फोरमका सुरेश साह सोनारले तीन हजार ३६१ मत प्राप्त गरेका छन् ।
त्यस्तै उपप्रमुखमा राजपाकै मुनचुनदेवी महतोले चार हजार ५६६ मत प्राप्त गरी विजयी भएकी छन् । उनकी निकटतम प्रतिद्वन्दी नेपाली काँग्रसकी अनितादेवी शर्माले दुई हजार ७१६ मत प्राप्त गरिन् ।
