काठमाडौं, २८ साउन । सभापति शेरबहादुर देउवाले महाधिवेशनको मुखमा एकपक्षीय ढंगले पार्टीका विभाग गठन गरेपछि कांग्रेसभित्र विवाद चुलिएको छ ।महाधिवेशन प्रभावित पार्ने काम हुन थालेको भन्दै देउवा इतरपक्ष सभापति देउवासँग चिढिएको छ ।
पार्टी सभापति देउवामा पार्टी विधान मिच्दा बहादुर ठहर्छु भन्ने मानसिकता रहेको वरिष्ठ नेता रामचन्द्र पौडेलको टिप्पणी छ । कांग्रेसको १४औं महाधिबेशन आगामी फागुन पहिलो साताबाट शुरु हुनेगरी मिति तय भैसकेको छ ।
महाधिवेशनको मिति तोकिसकिएको अवस्थामा सभापति देउवाले आचारसंहिता बिपरित पार्टीका बिभिन्न बिभाग गठन र त्यसका सदस्यहरु मनोनयन गर्ने काम गरेर महाधिवेशन प्रभावित पार्न खोजेको देउवा इतर पक्षका नेताहरुको भनाई छ ।
