Our Network

साउन १९ २०७८, मंगलबार

कपिलवस्तुमा अत्यावश्यक बाहेकका सबै सेवा बन्द

मालवाहक ढुवानीका साधान बाहेक जिल्ला भित्र संचालन हुने सार्वजनिक यातायातका सवारी साधानहरु पूर्ण रुपमा बन्द

कपिलवस्तु, २३ साउन । कपिलवस्तुमा शुक्रबार बिहानैबाट अत्यावश्यक बाहेकका सबै सेवा बन्द गरिएको छ । जिल्लामा पछिल्लो समय समुदायमै कोरोना देखिएकाले शुक्रबारबाट १० दिनसम्म अत्यावश्यक बाहेकका सबै सेवा बन्द गरिएको जिल्ला प्रशासन कार्यालय कपिलवस्तुले जनाएको छ ।

प्रशासन कार्यालयले विहीबार एक सुचना जारी गर्दै शुक्रबार (यही साउन २३ गते बिहान ५ बजे) बाट लागु हुने गरी साउन ३२ गते राति १२ बजेसम्मका लागि अत्यावश्यक बाहेकका सबै सेवा बन्द गर्ने निणर्य गरेको प्रमुख जिल्ला अधिकारी दीर्घ नारायण पौडेलले बताउनुभएको छ ।

विश्वब्यापी महामारीको रुपमा फैलिएको कोरोना भाइरसको संक्रमण कपिलवस्तुमा समुदाय स्तरमा नै देखिएकाले १० दिन अत्यावश्यक बाहेकका सबै सेवा बन्द गरिएको हो । शुक्रबार बिहान ५ बजेबाट लागुहुने गरी अत्यावश्यक बाहेकका सबै सेवा बन्द गरिएको भन्दै प्रशासनको सुचना उल्लंघन गरे कानुन बमोजिम कारवाही गर्ने पनि प्रशासन कार्यालय कपिलवस्तुले चेतावनी दिएको छ ।यस अवधिमा अत्यावश्यक सेवा बाहेकका सरकारी कार्यालय, बैंक तथा वित्तिय संस्थाबाट प्रदान गरिने सेवाहरु पूर्ण रुपमा बन्द गरिने छ ।

यस्तै मालवाहक ढुवानीका साधान बाहेक जिल्ला भित्र संचालन हुने सार्वजनिक यातायातका सवारी साधानहरु पूर्ण रुपमा बन्द गरिने छ भने निजी सवारी साधन मोटरसाइकल, स्कुटरहरु जो गते जोर र बिजोर गते बिजोर नम्बर गरी संचालन गर्न सकिने छ । यद्यपि पसल, व्यवसाय भने स्वास्थ्य सम्बन्धि मापदण्ड प्रयोग गरेर सञ्चालन गर्न पाइने प्रशासनले स्पष्ट पारेको छ ।

Leave a Reply