एजेन्सी, ३ साउन । इंग्लिस प्रिमियर लिग फुटबलमा वेस्टह्याम विजयी भएको छ । शुक्रबार राति भएको खेलमा वाट्फोर्डलाई ३–१ गोल अन्तरले पराजित वेस्टह्याम विजयी बनेको हो ।
वेस्टह्यामको जीतमा मिचेल एन्टोनियो, टोमा सौक र डेक्लान रईसले एक एक गोल गर्दा टोरी डेनीले वार्टफोर्डका लागि एक गोल फर्काएका थिए । खेल शुरु भएको छैटौं मिनेटमा एन्टोनियोले गोल गर्दै वेस्टह्यामका लागि अग्रता दिलाएका थिए ।
यसैगरी दशौं मिनेटमा सौकले गोल गर्दै अग्रता दोब्बर बनाए । ३६ औं मिनेटमा रइसले गोल गर्दै ३–० को अग्रता दिलाए । पहिलो हाफमा वाटफोर्डलाई दबाबमा राखेको वेस्टह्यामले दोस्रो हाफमा भने थप गोल गर्न सकेन ।
जीतसँगै प्रिमियर लिगमा ३७ अकं बनाउँदै वेस्टह्याम १५ औं स्थानमा रहँदा वाटफोर्ड भने ३४ अंकका साथ १७ औं स्थानमा छ ।
