स्थानीय तह पुनःसंरचनासम्बन्धि आयोगको प्रतिवेदनमा आलोचना

१० माघ, काठमाडौं । सांसदहरुले स्थानीय तह पुनःसंरचनासम्बन्धी आयोगको प्रतिवेदन अव्यवहारिक र अवैज्ञानिक भएको भन्दै आलोचना गरेका छन् । व्यवस्थापिका संसदको सोमबारको बैठकमा सांसदहरुले आयोगको प्रतिवेदन समयानुकुल नभएको भन्दै आलोचना गरे ।

असन्तुष्टिले चेपुवामा निर्वाचन !

१० माघ, काठमाण्डौं । स्थानीय निकायको निर्वाचन गर्ने कि स्थानीय तहको भन्ने विषयमा प्रमुख राजनीतिक दलहरुबिच मतभेद रहँदै आएको थियो । तर, प्रमुख तीन राजनीतिक दलहरु स्थानीय तहको नै निर्वाचन गराउन सहमत भएका छन् । प्रमुख राजनीतिक दलहरु निर्वाचनको लागि सकारात्मक भए पनि मधेस केन्द्रित दलहरुले भने निर्वाचन अस्वीकार गर्ने चेतावनी दिएको छ ।

विना हतियार कसरी लड्ने ?: प्रमुख निर्वाचन आयुक्त

१० माघ, काठमाडौं । निर्वाचन आयोगले निर्वाचन सम्बन्धि ऐन कानुन निर्माणमा ढिलाई नगर्न सरकारको ध्यानाकर्षण गराएको छ । निर्वाचन आयोगका प्रमुख आयुक्त अयोधीप्रसाद यादवले प्रधानमन्त्री पुष्पकमल दाहाल प्रचण्डसँगको भेटमा निर्वाचन सम्बन्धि कानुन निर्माणमा ध्यानाकर्षण गराउनुभएको हो ।

विद्यार्थी संगठनहरुलाई स्ववियु निर्वाचनमा लाग्न पार्टी नेताहरुको आग्रह

१० माघ, काठमाण्डौं । राजधानिमा आइतवार आजको विद्यार्थी राजनिति र रुपान्तरणको चुनौतिहरु विषयक विचार गोष्ठी सम्पन्न भएको छ । त्रिभुवन विश्वविद्यालयले स्वतन्त्र विद्यार्थी युनियनको निर्वाचनको मिति घोषणा गरेसँगै पार्टि नेताहरुले विद्यार्थी संगठनहरुलाई तयारीमा लाग्न आग्रह गरेका छन ।

निर्वाचनको मिति घोषणा गर्ने अधिकार सरकारलाई

१० माघ, काठमाडौं । निर्वाचनको मिति घोषणा गर्ने अधिकार सरकारलाई नै रहने गरी निर्वाचन आयोगको काम, कर्तव्य र अधिकार सम्बन्धि विधेयक राज्य व्यवस्था समितिले टुंग्याएको छ । समितिले टुंगो लगाएको प्रतिवेदन सहितको विधेयक संसद्मा पेस हुनेछ । यसअघि निर्वाचन आयोगले मिति तोक्ने अधिकार आफैँलाई दिनुपर्ने मस्यौदामा उल्लेख गरेको थियो ।

स्थानीय तहको निर्वाचनपछि सरकार परिवर्तन हुन्छः सभापति देउवा

७ माघ ,चितवन । नेपाली कांग्रेसका सभापति शेरबहादुर देउवाले स्थानीय तहको निर्वाचनपछि सरकार परिवर्तन हुने बताउनुभएको छ । प्रेस युनियन चितवनले शुक्रवार भरतपुरमा आयोजना गरेको पत्रकार सम्मेलनमा बोल्दै सभापति देउवाले चैतमा नै सरकार परिवर्तन नहुने बताउनुभयो ।

किसान आयोग गठन गर्ने मन्त्रिपरिषद्को निर्णय, अरु के के निर्णय भयो बैठकमा ?

रामचन्द्र अर्याल, ६ माघ, काठमाडौं । मन्त्रिपरिषद बैठकले किसान आयोग गठन गर्ने निर्णय गरेको छ ।

किसानका समस्या समाधान गर्ने, कृषिलाई आधुनिकिकरण गर्ने लगायतका उद्देश्य पुरा गर्नका लागि आयोग गठन गरिएको सरकारका प्रवक्ता एवम् सूचना तथा सञ्चारमन्त्री सुरेन्द्र कार्कीले जानकारी दिनुभयो ।

यसैगरी विश्व बैंकले दिने १६ अर्ब ३८ करोड रुपैयाँ ऋण सहायता स्वीकृत गर्ने निर्णय पनि मन्त्रिपरिषद बैठकले गरेको छ । सो रकम जन्म दर्ता, मृत्यु दर्ता लगायतका सामाजिक तथा व्यक्तिगत घटना दर्ता प्रक्रियालाई अझै समृद्ध पार्न विश्व बैंकले दिएको हो । बैठकले रेडियो नेपालको कार्यकारी निर्देशकमा सुरेश कुमार कार्कीलाई नियुक्त गर्ने निर्णय गरेको छ । यसअघि पनि रेडियो नेपालको कार्यकारी निर्देशक थिए । उनको कार्यकाल मंसिर महिनामा सकिएको थियो ।

बिहीबार बसेको मन्त्रिपरिषद बैठकले कार्कीलाई पुनः चार वर्षे कार्यकालका लागि कार्यकारी निर्देशक पदमा नियुक्त गरेको हो ।

यसैगरी हत्या गरिएका काभ्रेका अजित मिजार र लक्ष्मी परियारका परिवारलाई के कस्तो सहयोग गर्न सकिन्छ भनेर सरकारलाई सुझाव दिन युवा तथा खेलकुद मन्त्री दलजीत श्रीपाइलीको नेतृत्वमा समिति पनि गठन गरिएको छ ।

अन्तरजातीय विवाह गरेका अजितको शव धादिङमा फेला परेको थियो भने लक्ष्मी परियारको बोक्सी आरोपमा कुटपीट पछि मृत्यु भएको थियो ।