समाचार

अर्घाखाँची। गत स्थानीय तहको निर्वाचनबाट अर्घाखाँची जिल्लाका नगरपालिकाका प्रमुख र उपप्रमुख तथा गाउँपालिकामा निर्वाचित अध्यक्ष उपाध्यक्ष मध्ये ५ जनालाई छिटो जरिवाना रकम तिर्न निर्वाचन आयोगले ताकेता गरेको छ। निर्वाचनमा निर्वाचित भएपनि १२ जनामध्ये ५ जनाले खर्च विवरण बुझाएका छैनन भने ७ जनाले मात्रै खर्चको विवरण समयमै बुझाएको देखिएको छ।

खर्च विवरण ढिलो बुझाएकाहरुको हकमा पनि कानूनले फरक व्यवस्था नगरेकोले खर्च विवरण नबुझाएकाले सरह जरिवाना गर्ने आयोगले जनाएको छ।आयोगका अनुसार सन्धिखर्क नगरपालिकाका नगर प्रमुख कृष्ण प्रसाद श्रेष्ठ, उपप्रमुख मिश्रा आचार्य, शितगंगा नगरपालिकाका नगर प्रमुख छविलाल पौडेल भूमिकास्थान नगरपालिकाका नगर उपप्रमुखमा निर्वाचित बालकृष्ण बन्जाडेले ४ लाख ५० हजारका दरले जरिवाना तिर्नुपर्नेछ भने छत्रदेव गाउँपालिकाका अध्यक्ष चन्द्रमान श्रेष्ठले ३ लाख ५० हजार जरिवाना तिर्नुपर्नेछ । शितगंगा नगरपालिकाका प्रमुख छविलाल पौडेलले पेश गरेका छैनन भने गिता भाटले समयमै पेश गरेकी छन् । नगरप्रमुखमा उम्मेदवार बनेका मध्ये नेकपा मालेका तर्फबाट उम्मेदवार बनेका केदार बेल्वासेले ढिलो गरी विवरण बुझाए पनि अरु कसैले खर्च विवरण वुझाएका छैनन् ।

शितगंगामा प्रमुख र उपप्रमुखमा उम्मेदवार बनेका मध्ये उपप्रमुख गिता भाट बाहेक सवैले जनही ४ लाख ५० हजारका दरले जरिवाना तिर्नुपर्ने भएको छ । सन्धिखर्क नगरपालिकामा निर्वाचित नगरप्रमुख कृष्ण प्रसाद श्रेष्ठ र उपप्रमुखमा निर्वाचित मिश्रा आचार्यले ढिलो गरी विवरण बुझाउदा प्रमुखका उम्मेदवार शान्ता आचार्य र राजेन्द्र नेपालीले मात्र समयमै खर्च विवरण बुझाएका छन् । त्यस्तै उपप्रमुखमा पराजित भएकामध्ये माओवादी केन्द्रबाट उम्मेदवार बनेका राजेन्द्र भुसालले मात्र समयमै खर्च विवरण बुझाएका छन् । यसर्थ सन्धिखर्क नगरपालिकामा प्रमुख र उपप्रमुखमा उम्मेदवार बनेका मध्ये शान्ता भण्डारी, राजेन्द्र नेपाली र राजेन्द्र भुसाल बाहेक सवैले ४ लाख ५० हजारका दरले जरिवाना तिर्नुपर्ने भएको छ ।यता भूमिकास्थानमा नगर प्रमुखमा निर्वाचित झविलाल थापा र पराजित भएका अर्जुन खनाल ले समयमै खर्च विवरण बुझाउदा नेकपा एमालेको तर्फबाट उम्मेदवार बनेका रेशम थापाले खर्च विवरण बुझाएका छैनन । त्यस्तै उपप्रमुखमा निर्वाचित एमालेकी बसन्ता पौडेलले विवरण समयमा बुझाएकी भएपनि निर्वाचित भएका बालकृष्ण बन्जाडेले समयमा खर्च विवरण बुझाएनन । यहाँ रेशम थापा र बालकृष्ण बन्जाडेले ४ लाख ५० हजारका दरले जरिवाना तिर्नुपर्ने भएको छ ।पाणिनीमा अध्यक्षमा निर्वाचित टेकराज न्यौपाने र उपप्रमुखमा निर्वाचित नर्मदा पौडेलले समयमै खर्च विवरण बुझाउदा प्रमुख तथा उपप्रमुखमा पराजित भएका अन्य कुनैपनि उम्मेदवारहरुले खर्च विवरण बुझाएका छैनन । प्रमुख र उपप्रमुखमा पािरजित भएका सवै उम्मेदवारहरुले ३ लाख ५० हजारका दरले जरिवाना तिर्नुपर्नेछ। छत्रदेव गाउँपालिकामा अध्यक्षमा निर्वाचित चन्द्रमान श्रेष्ठले ढिलोगरी विवरण बुझाउदा उपाध्यक्षमा निर्वाचित मनी पन्थीले भने समयमै खर्च विवरण बुझाएकी छन् । छत्रदेवमा पनि अध्यक्ष र उपाध्यक्षमा पराजित कुनैपनि उम्मेदवारले खर्च विवरण बुझाएका छैनन । मनि पन्थी बाहेक अध्यक्ष र उपाध्यक्षमा उम्मेदवार बनेका सवैले समान ३ लाख ५० हजारका दरले जरिवाना तिर्नुपर्ने भएको छ।

मालारानी गाउँपालिकामा निर्वाचित अध्यक्ष दलबहादुर भट्टराई र उपाध्यक्षमा निर्वाचित दिपा पोख्रेलले खर्च विवरण समयमै बुझाएका छन् भने अध्यक्षमा पराजित भएकाहरुमध्ये राप्रपाका पदम महतले मात्र समयमै विवरण बुझाउदा उपाध्यक्षमा पराजित नेपाली काँग्रेसका शोभाखर खनालले पनि खर्च विवरण समयमै बुझाएका छन् ।

काठमाडौ। निलम्बित प्रधानन्यायाधी चोलेन्द्र शमशेर जबराविरुद्ध लागेको महाअभियोगको विषयमा सिफारिस समिति छलफल सुरु भएको छ। जबरासँगको सुनुवाई र उनले पोलेका व्यक्तिहरूसँगको बयानपछि आज समितिको बैठक बसेको हो।

बैठकले जबरामाथि महाअभियोग लगाउने वा नलगाउने निर्णय गर्ने समितिका सदस्यहरूले बताए । शनिबार बिहान सिफारिस समितिले जबरालाई पूरक प्रश्न सोधेको थियो । त्यसपछि समितिका सदस्यहरूलाई समितिको सचिवालयले तयार पारेको प्रतिवेदनको मस्यौदा बुझाएको थियो । अबको बैठकले उक्त प्रतिवेदनलाई अन्तिम रुप दिनेछ।

निर्वाचन आयोगले प्रतिनिधिसभाको कार्यकाल शनिबार राति १२ बजेपति सकिने भनेकाले सिफारिस समितिले आजै सभामुखलाई प्रतिवेदन बुझाउने तयारी गरेको छ।

काठमाडौं। माओवादी केन्द्रका अध्यक्ष पुष्पकमल दाहाल प्रचण्डले संविधानसभाबाट संविधान घोषणा हुँदा देशमा राजनीतिक स्थायित्व, विकास र सम्मृद्धिको बाटोमा लाग्ने विश्वास गरे पनि त्यो सफल भएनको बताएका छन् । प्रतिनिधिसभाको अन्तिम बैठकलाई आज सम्बोधन गर्दै उनले संविधानविपरित सदनले झण्डै अकाल मृत्युवरण गर्नु परेको बताए । उनले संविधानले निर्देशित गरेअनुसार पाँच वर्ष सदन चल्ने अनुमान गरे पनि यसले विभिन्न अवरोध व्यहोर्नु परेको बताए । सरकार गठनको तीन वर्षमै संविधानअुनसार सरकार अघि बढ्न सकेन । यसले अस्थिरता निम्त्याउन खोजेको थियो ।  यस्तै, प्रतिपक्ष दलकाका नेता केपी शर्मा ओलीले आरोप लगाए जस्तो अहिलेको सरकार परमादेशी नभइ जनदबाब र संविधानअनुसार बनेको उनले बताए । ओलीले संसदमा गरेको भाषणपछि जसले जे बोले पनि हुने रहेछकी के हो जस्तो लागेको अध्यक्ष प्रचण्डले बताए । उनले भने, ‘संविधान हामीले नै बनाएका होइनौं र । संविधान बनाउँदा के भनेका थियौँ । संविधानको मर्म के हो ? संसद र नेपाली जनता भेँडा हुन र ?’ उनले अहिलेको सरकारले संविधान जोगाएको पनि बताए । ‘संविधान मिच्ने मात्रै प्रतिगमनकारी हुने संविधान कार्यान्वयन गर्ने कसरी प्रतिगमनकारी हुने ?’ उनको प्रतिप्रश्न छ  । अध्यक्ष प्रचण्डले पार्टीभित्रको विवादको रिस पोख्न ओलीले संसद विघटन गरेको पनि बताए । उनले पार्टीभित्रका विवाद, मतभेद र समाधान गर्ने आफ्नै विधि छाडेर ओली संसद विघटनमा लागेको बताए।  उनले परमादेशको सन्दर्भ र संसदमा जारी सुनुवाईअनुसार यो सरकार जनताको दबाब, संविधान र संसदको बहुमतबाट बनेको प्रष्ट भएको उनको भनाइ छ । बरु अदालतलाई गलत बाटोमा लैजाने काम अघिल्लो सरकारले पो गरेको रहेछ भनेर निलम्बित प्रधानन्यायाधीशको सुनुवाईबाट पुष्टि भएको उनले बताए ।

अन्तिममा उनले संविधान, लोकतन्त्र, प्रजातन्त्रको रक्षाका लागि यो सरकार गठन भएको बताए । यो सरकारले कोभिड महामारी नियन्त्रणका लागि गरेको प्रयास र स्वास्थ्य सामग्री जुटाउन निकै राम्रो काम गरेको पनि दावी गरे । यस्तै बाँकी तपाई (ओली)ले भनेजस्तै आगामी ४ मंसिरमा हेरौला ।

काठमाडौं। नेकपा एमालेका अध्यक्ष केपी शर्मा ओलीले आफ्नो सरकार भएको भए गत वैशाखमै निर्वाचन भइसकेको हुने बताएका छन् । प्रतिनिधिसभाको आजको बैठकलाई सम्बोधन गर्दै उनले यस्तो बताएका हुन् । बैठकमा उनले प्रधानमन्त्री शेरबहादुर देउवा नेतृत्वको सरकार परमादेशबाटै बनेको पुनः दोहोर्याए । यो सरकार संविधान विपरित रहेको र यो प्रतिगमन भएको पनि दावी गरे । यद्यपि, यो सरकारले निर्वाचन तोकिसकेका कारण अब धेरै बहस गर्न जरुरी नभएको बताए । उनले आफू सरकारमा रहिरहेको भए १७ र २७ वैशाखमै भइसकेको हुने बताए ।  उनले यो सरकारले जेसुकै भने पनि संविधानको उल्लघन गरेको घटना अहिले भइरहेका घटनाक्रम देखाएको पनि बताए । उनले भने, ‘सरकार बनाएको परिवेश त छताछुल्ल भएकै छ । जे भए पनि अब हामी एउटा कोर्षमा गइसकेका छौं । निर्वाचनको मिति तोकिएको छ । यो प्रतिगमन होइन । तर, संविधानविपरित परमादेशबाट सरकार गठन हुनु चाही प्रतिगमन नै हो ।’ बैठकमा उनले यो सरकारले भष्ट्राचारको सन्दर्भमा ‘ …भन्दा देख्नेलाई लाज’ भने जस्तो गरिरहेको आरोप पनि लगाए । उनले अब छुट्टिने बेलामा धेरै कठोर नबोलने पनि बताए । उनले भने, ‘तितो नबोलौं तर प्रधानमन्त्रीलाई सही बाटो देखाउनै पर्छ ।’

संबोधनका क्रममा संसदको प्रारम्भमा निकै राम्रा काम भएको बताए । प्रारम्भामा धेरै कानुन संसोधन गरेको, संघीयताका संरचना निर्माण गरेका, संघ, स्थानीय तह कसरी चलाउने भनेर संविधान अनुकुल कानुन र अन्य संरचना निर्माण गरेको बताए । यस्तै, प्रदेशहरूको राजधानी तोक्ने, एउटा बाहेक बाँकीको नामाकरण लगायत काम निकै राम्रोसँग गरेको बताए । साथै, भूकम्पपछिको पुनर्निर्माणमा पनि अत्यन्तै प्रभावकारी काम भएको बताए ।