मोरङ, २३ वैशाख । मोरङमा सशस्त्र प्रहरीले दुईजना भारतीय नागरिकलाई एक करोड नौ लाख भारतीय रुपैंया सहित पक्राउ गरेको छ । मंगलबार भारतको सुपौलीबाट मोरङ आएको डब्लूबी ७३ ई ७६३५ नम्बरको खाली ट्रकमा सशस्त्र प्रहरीले चेकजाँच गर्दा अवैध एक करोड नौ लाख ७९ हजार भारतीय रुपैंया फेला पारेपछि चालक र सहचालकलाई नियन्त्रणमा लिएको हो ।
पक्राउ पर्नेमा सुपौलका रवि कुमार र पप्पु कुमार रहेका छन् । उनिहरुले विराटनगरमा सामान लोड गरेर भारतको सिलुगुडी लग्न लागेको बयान दिएको बताइएको छ ।
लकडाउनको बेला सीमा नाका सिल भएपनि अत्यावश्यक वस्तुको ढुवानीका लागि भन्दै उक्त ट्रक भारतबाट नेपाल भित्रिएको थियो ।
