पोखरा, ६ पुस । बुटवल ब्लास्टर्स पोखरा प्रिमियर लिग पिपिएलको प्लेअफ चरणमा पुगेको छ भने धनगढी ब्लुज पोखरा प्रिमियर लिग क्रिकेटमा लिग चरणबाट नै बाहिरीएको छ ।
पोखरा रंगशालामा आइतबार बुटवल ब्लास्टर्ससँग ७ विकेटले पराजित भएपछि धनगढीको यात्रा लिग चरणमा नै सकिएको हो । यो जितले बुटवलले भने प्लेअफमा पुगेको छ ।
धनगढीले दिएको १ सय ४१ रनको लक्ष्य बुटवलले १६ दशमलव ४ ओभरमा ३ विकेट गुमाएर पुरा गरेको हो । टस हारेर ब्याटिङको निम्तो पाएको धनगढीका लागि कप्तान दिपेन्द्र सिंह ऐरिले ६१ र सन्दीप जोराले ३९ रन बनाएका थिए ।
जवाफमा अफ्ताबुद्दिन अहमेदको विस्फोटक ५२ रनसंगै बुटवलले १६ ओभरमा ३ विकेट गुमाउँदै लक्ष्य पुरा गर्यो । आइतबारै विराटनगरलाई १८ रनले पराजित गर्दै चितवन राइनोजले पनि प्ले अफमा स्थान सुरक्षित गरेको छ ।
