रुपन्देही, २९ असार । प्रदेश नम्बर ५, ६ र ७ का यातायात व्यवसायीले आगामी साउन १ गतेदेखि कुनैपनि दुर्घटनाको जिम्मेबारी नलिने निर्णय गरेका छन् । ३ वटा प्रदेशका यातायात व्यवसायी समितिको दाङमा बसेको बैठकले साउन १ गतेदेखि कुनैपनि दुर्घटनाको जिम्मेबारी नलिने निर्णय गरेको हो ।
यातायात समिति खारेज गर्ने सरकारको निर्णयको विरुद्ध यातायात व्यवसायीले सो निर्णय गरेका हुन् । सरकारले बिना तयारी सिण्डीकेट खारेज गर्न खोजेको व्यवसायीको आरोप छ ।
सरकारले देशभरका सडकमा रुट परमिट खुला गरेपछि व्यवसायीले चरणबद्ध आन्दोलन गर्दै आएका छन् । सरकारले गत चैत्रमा यातायत समिति खारेज गर्ने निर्णय गरेको थियो ।
