सुनसरी, १८ चैत । सुनसरीको कोशी गाउँपालिकामा भीषण आगालागी हुँदा १६ घर जलेर नष्ट भएको छ । सुनसरीको कोशी गाउँपालिका वडा नम्बर ६ मा दिउँसो करिब १ बजेदेखि आगालागी भएको जनाईको छ ।
आगालागिबाट १६ वटा घर जलेर नष्ट भएको छ भने करिब एक करोड बराबरको क्षति भएको कोशी गाउँपालिका वडा नम्बर ६ का अध्याक्ष इन्द्रदेव यादवले जानकारी दिए । स्थानीय जगदिश महात्मानले गहुँ चुट्नका लागि लगाइएको थ्रेसरबाट आगालागी भएको जनाइएको छ ।
भारतको विरपुर, इनरुवा, इटहरीलगायतको वारुण यन्त्र, प्रहरी र स्थानीयको पहलमा करिब २ घण्टापछि आगो नियन्त्रणमा आएको छ । यसैबीच कोशी गाउँपालिकाले आगालागी पिडितलाई राहात वितरण गरेको छ ।
