काठमाडौं । प्रतिनिधि सभाको निर्वाचनमा राप्रपाले प्रत्यक्षतर्फ १ सीट जितेको छ। जुम्लाबाट राप्रपाका उम्मेदवार ज्ञानबहादुर शाहीले राप्रपाको जितको खाता खोलेका हुन्।
शाहीले १४ हजार ८१६ मत ल्याएर विजयी हुँदा उनका प्रतिस्पर्धी नेकपाबाट नरेश भण्डारीले ११ हजार ६३५ मत ल्याए।
तेस्रो स्थानमा रहेका कांग्रेसका दिप बहादुर शाही ७ हजार १४३, एमालेका उम्मेदवार शान्ति लाल महतले ४ हजार ५१८ मत पाउँदा रास्वपाकी विनीता कठायत ४२१ मतमै रोकिइन्।
यो निर्वाचनमा राप्रपा प्रत्यक्षतर्फ एक सीटमै खुम्चिने देखिएको छ। १६५ क्षेत्रमै उम्मेदवारी दिएको राप्रपाका अध्यक्ष राजेन्द्र लिङ्देनसहितका उम्मेदवार प्रतिस्पर्धाबाट बाहिर छन्।
