मौसम पूर्वानुमान महाशाखाले आजदेखि भने शनिबार र आइतबारको तुलनामा कम पानी पर्ने जनाएको छ ।
महाशाखाले आजदेखि न्यून चापिय रेखा दक्षिणतिर सर्दै जाने भएकाले नेपालमा मनसुनको सक्रियतामा कमी आइ वर्षाको मात्रामा केही कमी हुने बताएको हो ।
आइतबार गण्डकी, लुम्बिनी, कर्णाली र सुदुरपश्चिम प्रदेशको एक, दुई स्थानमा अति भारी वर्षा भयो ।
जल तथा मौसम विज्ञान विभागले जारी गरेको सूचनामा त्यस क्षेत्रका वासिन्दालाई आगामि दिनमा पनि सतर्क रहन भनिएको छ ।
विभागको अत्तरियास्थित महाकाली बेसिन फिल्ड कार्यालयले आजसम्मै सुदूरपश्चिमका एक दुई स्थानमा अति भारी वर्षा र थोरै स्थानमा भारी वर्षाको सम्भावना रहेकाले उच्च सतर्कता अपनाउन अनुरोध गरेको छ ।
यस्तै कर्णालीमा पनि उत्तिकै वर्षाको सम्भावनाको छ । देशभर नै बदली भई वर्षा भने जारी रहने जनाइएको छ । ०००
