कोशी प्रदेशको मुख्यमन्त्रीमा नेकपा एमाले संसदीय दलका नेता हिक्मतकुमार कार्की नियुक्त हुनुभएको छ ।
बिहीवार कोशी प्रदेश प्रमुख परशुराम खापुङले कार्कीलाई मुख्यमन्त्रीमा नियुक्त गर्नुभएको हो । कार्कीलाई संविधानको धारा १६८ को उपधारा ५ बमोजिम मुख्यमन्त्री पदमा नियुक्त गरिएको हो । प्रदेश सभाका ५२ सदस्यको हस्ताक्षरसहित पेश भएको दाबीमा सनाखतपछि प्रदेश प्रमुख खापुङले कार्कीलाई मुख्यमन्त्रीमा नियुक्त गर्नुभएको हो ।
उहाँले आजै शपथग्रहण गरेर सानो आकारको मन्त्रिमण्डल बिस्तार गर्नु भएको छ । प्रदेश प्रमुख खापुङले केदार कार्कीलाई पदमुक्त गरेर शुक्रवार साँझ ५ बजेसम्मको समय दिएर मुख्यमन्त्रीमा दाबी पेस गर्न बुधवार राति आह्वान गर्नुभएको हो । कार्कीलाई नेकपा एमाले र माओवादीका ५२ सांसदको समर्थन छ ।
अब बनेको नयाँ गठबन्धनको सरकारलाई आगामी निर्वाचनसम्म नै डोहो¥याउने समर्थक माओवादी केन्द्र कोशी प्रदेश संसदीय दलका नेता ईन्द्रबहादुर आङ्बोले बताउनु भयो ।
एमाले र माओवादीले सरकारको समर्थन फिर्ता लिएपछि मुख्यमन्त्री कार्कीले विश्वासको मत पनि लिने र राजीनामा पनि कार्की यसअघि दुई पटक मुख्यमन्त्री भइसक्नुभएको छ । २४ पुस २०७९ पहिलो पटक माओवादी केन्द्र, जसपा र राप्रपाको समर्थनमा मुख्यमन्त्री बन्नुभएका कार्कीले केन्द्रमा सत्ता समीकरण फेरिएपछि १४ असार २०८० मा राजीनामा दिनुभएको थियो ।
सर्वोच्च अदालतको परमादेशपछि २२ भदौ ०८० मा ठूलो दलको नेताको हैसियतमा मुख्यमन्त्री बन्नुभएका कार्कीले २० असोजमा पुनः राजीनामा दिनुभएको थियो । केन्द्रमा पुनः नेकपा एमाले र माओवादी केन्द्रको गठबन्धन बनेपछि कार्की तेस्रो पटक मुख्यमन्त्री बन्नुभएको हो ०००
