एजेन्सी,११ पुस । इंग्लिस प्रिमियर लिग फुटबलमा लिभरपुल र म्यानचेस्टर युनाइटेडले जित दर्ता गरेका छन् । लिभरपुलले बर्नलीलाइ २–० गोल अन्तरबाट हराएको हो । लिभरपुलका लागि डार्विन नुनेज र डिएगो जोटाले १–१ गोल गरेका हुन् ।
जितसँगै लिभरपुल १९ खेलबाट ४२ अंक बटुलेर लिग तालिकाको पहिलो स्थानमा पुगेको छ । १८ खेलमा ४० अंक बटुलेको आर्सनलले लिभरपुललाइ पच्छ्याइ रहेको छ ।
यसैगरी म्यानचेस्टर युनाइटेडले एस्टन भिल्लाविरुद्ध ३ –२ गोल अन्तरको रोमाञ्चक जित हात पारेको हो । म्यान्चेस्टर युनाइटेडका अलेजान्ड्रो गारनाचाले २ तथा रासमस होजुलन्डले १ गोल गरे ।
एस्टन भिल्लाका जोन म्याक जिन र लिन्कर डेन्डोन्करले १÷१ गोल गरे । यो नतिजापछि १९ खेलमा ३४ अंकसँगै म्यान्चेस्टर युनाइटेड छैटौं स्थानमा उक्लेको छ । समान खेलमा ३९ अंकले एस्टन भिला तेस्रो स्थानमा छ ।
