काठमाडौं,८ असोज । नेकपा एमाले बाग्मती प्रदेशको प्रथम अधिवेशन आजदेखि सुरु हुने भएको छ । काठमाडौंको भृकुटी मण्डपमा बिहान ११ बजे अध्यक्ष केपी शर्मा ओलीले उद्घाटन गर्ने कार्यक्रम रहेको छ ।
उद्घाटन अघि पार्टीले काठमाडौंका ६ स्थानबाट र्याली निकाल्दैछ । १३ जिल्लाबाट ११ सय ३८ प्रतिनिधि छनोट भई काठमाडौं आइसकेका छन् । काठमाडौंबाट मात्रै सबैभन्दा धेरै १३२ जना छनोट भएका छन् ।
काभ्रेबाट १२५, मकवानपुरबाट १०, धादिङबाट ८७, चितवनबाट ९१,भक्तपुरमा ६६, दोलखामा ६५, सिन्धुपाल्चोक ६४, नुवाकोटका ६४, ललितपुरका ५०, रसुवाका २७ जना प्रतिनिधि चुनिएर काठमाडौं आइपुगेका छन् ।
