काठमाडौं, १९ असार । नेपालले एसीसी मेन्स यू–१६ इस्ट जोन कपको उपाधि जित हात पारेको छ । आज भएको खेलमा मलेसियाविरुद्ध सानदार बलिङ गर्दै नेपालले मेन्स यू–१६ इस्ट जोन कपको उपाधि जितेको हो ।
नेपालले दिएको २५३ रनको विशाल लक्ष्य पछ्याएको मलेसिया नेपालका बलर सामु टिक्नै सकेन । मलेसिया १४.५ ओभरमा ३१ रन मात्रै बनाएर अल आउट भयो ।
नेपालका लागि अभिषेक तिवारीले सर्वाधिक पाँच विकेट लिए । त्यस्तै सन्तोष यादवले तीन र सागर गैरेले एक विकेट लिए ।
