काठमाडौं । स्वतन्त्र विद्यार्थी युनियन (स्ववियु)को निर्वाचन चैत पाँच गते हुने निश्चीत भएको छ ।
त्रिभुवन विश्वविद्यालय रजिस्ट्रारको कार्यालय सूचना तथा जनसम्पर्क महाशाखाले बिहीबार एक सूचना जारी गर्दै चैत पाँच गते त्रिविका आंगिक तथा सम्बन्धन प्राप्त क्याम्पसहरुमा निर्वाचन हुने जनाएको हो । त्रिविले निर्वाचनका लागि तयारी गर्न र गराउन क्याम्पसहरुलाई आग्रह समेत गरेको छ ।
त्रिवि कार्यकारी परिषद्को २२ पुसमा बसेको बैठकले ५ चैतमा स्ववियु निर्वाचन गर्ने निर्णय गरेको र यसका लागि पूर्वतयारी गर्न सम्बन्धित् क्याम्पसहरुलाई भनिएको छ ।
