काठमाडौं । नेपाल टी–ट्वान्टी लिगमा काठमाडौं नाइट्सले विजयी सुरुआत गरेको छ ।
शनिबार त्रिवि क्रिकेट मैदानमा भएको खेलमा काठमाडौंले पोखरा एभेन्जर्सलाई २६ रनले पराजित गरेको हो । काठमाडौंले दिएको १६३ रनको लक्ष्य पोखराले निर्धारित ओभरमा ७ विकेट गुमाएर रन मात्रै बनाउन सक्यो ।
पोखराको लागि उपल थरङगाले सर्वाधिक ४४ रन बनाए । अमिर हमाज र अभिमन्यु मिथुनले समान १८÷१८ रन बनाए ।
काठमाडौंका लागि अभिनास बोहोराले ३ तथा बसिर अहमदले २ विकेट लिए ।
त्यसअघि टस हारेर पहिले ब्याटिङ गरेको काठमाडौंले निर्धारित १९ ओभरमा ५ विकेट गुमाएर १६२ रन बनाएको थियो ।
काठमाडौंको लागि अजमातुल्लाह उमरजाईले ८५ रनको अविजित योगदान दिए ।
यस्तै सुनाम गौतमले २७, एलेक्स ब्लेक्सले २१ रन बनाए भने कप्तान ज्ञानेन्द्र मल्ल शून्य रनमा आउट भए ।
पोखराको लागि प्रतिस जिसी र जाहिर खान समान २र२ विकेट लिए ।
