जाजरकोट, ११ मंसिर। जाजरकोटमा मतपेटिका बोकेर ल्याउँदै गरेको टोलीलार्इ लक्षित गरी बम विस्फोट गराइएको छ। जाजरकोटस्थित कुसे गाउँपालिका १ रुरुखोला नजिकै बाटोमा बिछ्याइएको कुकर बम विस्फोट भएको प्रहरीले जानकारी दिएको छ।
विस्फोटका कारण मतपेटिका बोकेका सुरक्षाकर्मी र कर्मचारीलार्इ छर्राले लागेपनि कुनै चोटपटक नलागेको बताइएको छ। टोलीले ५ वटा मतदान केन्द्रको मतपेटिका ल्याएको थियो।
