ताप्लेजुङ, १८ फागुन। ताप्लेजुङको मेरिङदेन गाउँपालिकाको दोभान बजारमा भीषण आगलागी भइरहेको छ ।
मंगलबार बिहान ९ बजेतिर बजारको एक घरबाट सल्किएको आगोले बजारका ४०देखि ५० घर जलेर नष्ट भईसकेको छ भने आगो अझै नियन्त्रणमा आउन सकेको छैन । कपडा पसल भएको एक घरमा बिजुली सर्टबाट सुरु भएको आगलागीले बजारको आधा भाग जलाईसकेको छ ।
अहिले सदरमुकाम फुङलिङ बजारबाट दोभान पुगेको एकमात्र दमकलले आगो नियन्त्रण गरिरहेको छ । आगलागीले हालसम्म मानवीय क्षति भने हुन पाएको छैन ।
