रौतहट, १६ वैशाख । भारतबाट आएका रौतहटका दुई युवकमा कोरोनाभाइरसको संक्रमण देखिएको छ । राष्ट्रिय जनस्वास्थ्य प्रयोगशाला टेकुमा गरिएको परीक्षणमा उनीहरूमा संक्रमण पुष्टि भएको हो ।
संक्रमित एकजना बृन्दावन नगरपालिकाका २४ वर्षीय युवक छन् । उनी गत चैत २२ गते कलकत्ताबाट आएका थिए । त्यस्तै अर्का संक्रमित देवाही गोनाही नगरपालिका–१ निवासी ३५ वर्षीय पुरुष रहेक छन् । उनी पनि वैशाख ४ गते दिल्लीबाट आएका थिए । उनी भने अहिले पनि क्वारेन्टाइनमै रहेको बताइएको छ ।
दुबै संक्रमितको स्वास्थ्य अवस्था सामान्य रहेको र वीरगन्जस्थित नायारणी अस्पताल पठाउने तयारी भइरहेको छ । यो सँगै नेपालमा कोरोना संक्रमितको संख्या ५४ पुगेको छ । जसमा १६ जना निको भएका छन् ।
