काठमाडाैं, २५ चैत । राष्ट्र बैंकका नवनियुक्त गभर्नर महाप्रसाद अधिकारीले राष्ट्र बैंकको पदभार सम्हालेका छन् । राष्ट्र बैंकमा गत चैत ५ गतेदेखि गभर्नर पद खाली थियो ।
यसबीच राष्ट्र बैंकका डेपुटी गभर्नर चिन्तामणि शिवाकोटीले कामु गभर्नर भएर कार्य सम्पादन गरिरहेका थिए । नवनियुक्त गभर्नरको कार्यकाल ५ वर्षको हुनेछ । ३० वर्ष राष्ट्र बैंकमा कार्य सम्पादन गरिसकेको अधिकारीलाई राष्ट्र बैंकको क्याडर मानिन्छ ।
