निजी अस्पताललाई बिना शर्त कोरोना संक्रमितको उपचार व्यवस्था मिलाउन सर्वोच्चको आदेश | ईमाउण्टेन समाचार

Our Network

वैशाख १२ २०८१, बुधवार

निजी अस्पताललाई बिना शर्त कोरोना संक्रमितको उपचार व्यवस्था मिलाउन सर्वोच्चको आदेश

SUPREME_COURT

काठमाडौं, १८ चैत । सर्वोच्च अदालतले निजी अस्पतालहरुलाई बिना शर्त कोरोना संक्रमितको उपचार व्यवस्था मिलाउन आदेश दिएको छ । अदालतले मंगलबार आदेश जारी गर्दै कुनैपनि बहानामा कोरोना भाइरस संक्रमणको उपचार गर्नबाट पन्छिने छुट नरहेको भन्दै यस्ता उपचार गर्ने व्यवस्था मिलाउन आदेश जारी गरेको हो ।

सर्वोच्च अदालत बार एशोसिएसनको तर्फबाट अधिवक्ता पुष्पराज पौडेल समेतले दायर गरेको रिटमा प्रारम्भिक सुनुवाई गर्दै न्यायाधीश डा. मनोजकुमार शर्माको एकल इजलासले सबै निजी स्वास्थ्य संस्थाले कोरोना संक्रमणको उपचार गर्ने व्यवस्था मिलाउन अन्तरिम आदेश दिएको हो ।

आदेशमा निजी स्वास्थ्य संस्थामा उपलब्ध भएसम्म बेड, आईसीयु कक्ष,भेन्टिलेटरलगायतका कोरोना भाइरसको उपचारको लागि आवश्यक पर्ने सेवा लिन आवश्यक व्यवस्था मिलाउन र स्वास्थ्य सेवामा संलग्न चिकित्सक,परिचारिका,एम्बुलेन्स चालक,सफाइ श्रमिकलगायतको सुरक्षाको यथोचित प्रबन्ध गर्न भनिएको छ ।

अदालतले संसदको हिउँदे अधिवेशन अन्त्य गरी अध्यादेश मार्फत आवश्यक नीतिगत तथा कानुनी व्यवस्था मिलाउने मागका सन्दर्भमा भने अन्तरिम आदेश भने दिएको छैन । रिट निवेदक पौडेलका अनुसार यस सन्दर्भमा छलफल गर्न दुवै पक्षलाई चैत २३ गते बोलाइएको छ ।

(function ($) { $(function () { $('#announcementModal').modal('show'); }) })(jQuery);