काठमाडौँ, १७ चैत । नेपाल आयाल निगमले लकडाउनको तीन दिनको अवधिमा काठमाडौँ उपत्यकामा मात्र ८७ हजार बढि सिलिण्डर ग्यास वितरण भएको जनाएको छ ।
निगमले एक विज्ञप्ति जारी गर्दै लकडाउन साताको चैत १४, १५ र १६ गते गरी तीन दिनमा ८७ हजार ६ सय ३० सिलिण्डर वितरण भएको जनाएको हो । निगमका अनुसार चैत १४ गते ३३ हजार ६ सय ५८, १५ गते १४ हजार १ सय ८ र १६ गते ३९ हजार ८ सय ६४ सिलिण्डर ग्यास वितरण भएको हो ।
उक्त ग्यास काठमाडौँ उपत्यकालगायत अन्य स्थानहरुमा एल.पी ग्यासको कारोबार गर्ने एल.पी ग्यास उद्योगहरुले विभिन्न डिलर तथा रिटेलरहरुबाट वितरण गरिएको परिमाण रहेको निगमका प्रवक्ता विनितमणि उपाध्यायद्धारा जारी विज्ञप्तिमा भनिएको छ ।