श्रवण देउवा
बैतडी, १३ चैत । बैतडीको पुरचौंडी नगरपालिकाको वडा नम्बर ५ को क्वारेन्टाईनमा स्थानीयले आक्रमण गरेका छन् । भारतबाट फर्केका सुनील जागरीका बुवा नरेन्द्र जागरी सहितका ब्यक्तिले क्वारेन्टाइनमा आक्रमण गरेका हुन् । उनिहरुले स्वास्थ्यकर्मी करन सिह धामीलाई चिरपटले हानेका थिए । धामीको औंला र शरिरमा चोट लागेको छ ।
बुधबार भारतको बैंगलोरबाट फर्केका सुनील जागरी सहितका ७ जनालाई पुरचौंडी नगरपालिकाले वडा नम्बर ५ कुवाकोटको भुमीराज मावि काटैमा क्वारेन्टाईनमा राखेको थियो । भारतबाट आएका छोरालाई किन राखेको भन्दै स्थानीय एक सहकारीका प्रबन्धक समेत रहेका नरेन्द्रले 
क्वारेन्टाईनमै पसेर कुटपिट गरेको नगरपालिकाका स्वास्थ्य शाखा प्रमुख विनोद कुवरले बताउनुभयो ।
