काठमाडौं, १ चैत । राष्ट्रपति विद्यादेवी भण्डारीले ‘कोरोनाभाइरस’को संक्रमणबाट बच्न उच्च सतर्कता अपनाउन आह्वान गर्नुभएको छ ।
शनिबार ट्वीटमार्फत् राष्ट्रपति भण्डारीले विश्वव्यापी महामारीको रूपमा फैलिएको कोरोना भाइरस संक्रमणबाट बच्न आवश्यक उपायहरू अवलम्बन गर्न सबैलाई आग्रह गर्नुभएको हो ।
उहाँले कोरोना भाइरस विरुद्धको विश्वव्यापी अभियानमा सबैलाई एकजुट हुन समेत आह्वान गर्नुभएको छ ।
