एजेन्सी, २८ फागुन । इंग्लिस क्लब टोटनह्याम हस्टपर च्याम्पियन्स लिगको प्रि–क्वाटरफाइनलबाटै बाहिरिएको छ । मंगलबार राति भएको अन्तिम १६ को दोस्रो लेगको खेलमा जर्मन क्लब आरबी लेईपजिग ३–० ले पराजित हुँदै टोटेनहम प्रतियोगिताबाट बाहिरिएको हो ।
लेईपजिगका मार्सेल सबित्जरले १० औं मिनेटमा गोल गर्दै घरेलु टोलीलाई अगाडी बढाएका थिए । २१ औ मिनेटमा व्यक्तिगत दोस्रो गोल गर्दै उनले टोलीको अग्रता दोब्बर बनाए । बेन्चबाट मैदान छिरेका ईमिल फोर्सबर्गले पहिलो टचमै गोल गर्दै ८७ औ मिनेटमा लाईपेजलाई ३–० को जित दिलाएका थिए ।
पहिलो लेगको खेलमा लेईपजिगले १–० को अग्रता बनाएको थियो । समग्रमा ४–० को नतिजा सहित लेईपजिग क्वार्टरफाइनलमा प्रवेश गरेको छ ।
