एजेन्सी, २ असोज । स्पेनिस ला लिगा फुटबल अन्तर्गत आइतबार राति भएको खेलमा रियल मड्रिड विजयी भएको छ ।

साबिक विजेता रियल मड्रिडले रियल सोसिडाडलाई ३–१ ले हराएको हो । रियलको जितमा बोर्जा मायोरल र ग्यारेथ बेलले १/१ गोल गरे । यस्तै रियल सोसिडाडका केविन रोड्रिग्वेजले आत्मघाती गोल गर्दा रियललाई १ गोल उपहारस्वरुप थपियो । रियल सोसिडाडका लागि पनि रोड्रिग्वेजले नै गोल गरे । यो खेलमा रियल मड्रिड रोनाल्डो बिना खेलेको थियो । रियल मड्रिडको जितसँगै रियल सोसिडाडको लगातार तीन खेलको विजयी यात्रा टुंगिएको छ । चार खेलबाट ८ अंक जोडेको रियल मड्रिड चौथो स्थानमा उक्लिएको छ । ९ अंकसहित रियल सोसिडाड तेस्रो स्थानमा छ ।

गएराति नै भएको खेलहरुमा सेभिल्लाले गिरोनालाई १–०, भिल्लारियलले एलाभेसलाई ३–० तथा लास पालमसले एथ्लेटिको बिल्बाओलाई १–० ले हराएका छन् ।