काठमाडौं, ७ फागुन । सहिद स्मारक ’बी’ डिभिजन लिग फुटबलको उद्घाटन खेलमा ब्वाईज युनियन र श्री कुमारी क्लब प्रतिस्पर्धा गर्ने भएका छन् । अखिल नेपाल फुटबल संघ एन्फाले सार्वजनिक गरेको खेल तालिका अनुसार पहिलो खेलमा ब्वाईज युनियन र श्री कुमारी भिड्ने भएका हुन् ।
एन्फा कम्प्लेक्स सातदोबाटोमा हुने उद्घाटन खेल यहि फागुन ११ गते हुनेछ । लिग आगामी चैत २३ गते सकिनेछ । यसपाली बी डिभिजन लिगमा १२ क्लबले प्रतिस्पर्धा गर्नेछन् ।
विजेता टोली ’ए’ डिभिजन लिगमा बढुवा हुनेछ भने पुछारमा रहने टोली ’सी’ डिभिजनमा घटुवा हुनेछ ।