वीरगञ्ज, १४ माघ । २०४२ सालमा निर्माण भएर प्रयोगमा समेत आइसकेको वीरगञ्जको नारायणी रंगशाला अहिले पुर्णरुपमा जीर्ण भईसकेको छ । कुनै समय राष्ट्रिय स्तरका ठुला ठुला खेलकुद प्रतियोगिता संचालन हुने नारायणी रगंशाला अहिले संरक्षणको पर्खाइमा छ ।
काठमाडौँको दशरथ रगंशाला पछि नेपालको दोश्रो ठूलो रगंशालाका रुपमा रहेको नारायणी रगंशाला अहिले जीर्ण अवस्थामा छ । करिब १७ कठ्ठामा फैलिएको वीरगञ्जको नारायणी रंगशालामा कुनै समयमा राष्ट्रिय स्तरका ठूल्ठूला प्रतियोगिता हुने गर्दथ्यो । तर अहिले यो रगंशाला पुर्णरुपले जीर्ण लगभग भाँसिने अवस्था छ ।
यसबाट दुर्घटनाको जोखिम समेत बढेको छ । एथ्लेटिक्सका प्रशिक्षक बिश्वेश्वर पटेल रंगशालाको अवस्था नाजुक भएकोले स–साना खेलकुद प्रतियोगिता मात्र हुने गरेको बताउनु हुन्छ । राष्ट्रिय तथा अन्तर्राष्ट्रिय खेलाडी उत्पादन गर्न सफल वीरगंजमा अहिले खेल अभ्यासको समेत अभाव रहेको छ ।
क्रिकेटमा राष्ट्रिय तथा अन्तर्राष्ट्रिय अनुभव संगालेका पुर्व खेलाडी मेहबुब आलमले नारायणी रंगशालाको संरक्षणका लागि सरकारको ध्यान जानु पर्ने बताउनु हुन्छ ।
७ करोड रुपैँया सरकारी लगानीमा नारायणी रंगशालाको केही भाग पुनः निमार्णका लागि डि.पि.आर तयार भइसकेको निमार्ण कार्यमा संलगन सरकारी प्राविधिक शिव चन्द्र प्रसाद यादवको भनाई छ ।
२०४२ सालमा निर्माण भएको नारायणी रगंशालामा विगत १५ वर्षको अन्तरालमा खासै कुनै ठुलो खेलकुद प्रतियागिताहरु हुन सकेको छैन । यति ठूलो रंगशाला जिर्ण हुँदा पनि तीनै तहका सरकारले पनि पर्याप्त चासो नदेखाएकाले स्थानीय खेल प्रेमी भने निराश छन् ।
