पर्यटन क्षेत्रमा अनुसन्धान आवश्यक : पर्यटनमन्त्री | ईमाउण्टेन समाचार

Our Network

माघ २० २०७९, शुक्रबार

पर्यटन क्षेत्रमा अनुसन्धान आवश्यक : पर्यटनमन्त्री

yogesh bhattarai

काठमाडौं, २२ मंसिर । संस्कृति पर्यटन तथा नागरिक उड्डयन मन्त्री योगेशकुमार भट्टराईले पर्यटन क्षेत्रमा अनुसन्धान नहुँदा कार्यक्रमहरु ल्याउन नसकिएको बताउनु भएको छ ।

बारबरा फाउण्डेशनले आइतबार काठमाडौंमा गरेको कार्यक्रमलाई सम्बोधन गर्दै मन्त्री भट्टराईले पर्यटन क्षेत्रको विकासका लागि अनुसन्धान आवश्यक रहेको बताउनुभएको हो ।

उहाँले पर्यटन प्रवर्द्धनका लागि अन्तर्राष्ट्रिय कनेक्टिभिटिको अवस्थालाई बढाउनुपर्ने चुनौति रहेको समेत बताउनुभयो । त्यस्तै हिमाली क्षेत्रमा कनेक्टिभिटिको विकास तथा ग्रेटर लुम्बिनिको अवधारणाका लागि पनि अनुसन्धान गर्नुपर्ने आवस्यकता रहेको उहाँले बताउनुभयो ।

मन्त्री भट्टराईले आगामी आर्थिक वर्षको नीति तथा कार्यक्रम मार्फत पर्यटन क्षेत्रको अनुसन्धान गर्नका लागि आवस्यक व्यवस्था गर्ने समेत बताउनुभयो ।

मन्त्री भट्टराईले देशमा रहेका सबै सांस्कृतिक ठाउँहरुलाई योजना बनाई पर्यटन प्रवर्द्धन गर्नुपर्ने आवस्यकता रहेको बताउनुभयो । उहाँले नेपालको जिडिपिमा कम्तिमा पनि १० प्रतिशत योगदान पर्यटन क्षेत्रको हुनुपर्ने र त्यसका लागि दिर्घकालिन योजना बनाएर अघि बढ्न लागिएको बताउनुभयो ।