काठमाण्डौँ, २६ भदौ । विदेशमा रहेका नेपाली नागरिकका सन्तानले अब ४ वर्षका लागि राहदानी पाउने भएको छ ।
मन्त्रिपरिषदको सोमबार बसेको बैठकले बढीमा चार वर्षका लागि राहदानी जारी गर्ने निर्णय गरेको हो ।
सरकारले यसअघि विदेशमा रहेका नावालकहरूको हकमा दुर्इ वर्षका लागि आवधिक राहदानी दिने व्यवस्था गरेको थियो । सोही व्यवस्थामा म्याद थप गरेर ४ वर्षको बनाईने भएको हो । विदेशमा रहेका नागरिकका सन्तानले वालिग भएपछि नागरिकता बनाउनुपर्ने छ र नागरिकता लिएपछि १० वर्षे अवधिसहितको पासपोर्ट बनाउन सकिनेछ ।
अभिभावक विदेशमा भएकै कारण नागरिकता बनाउन नपाएको र राहदानीको पनि म्याद सकिएको भन्दै गुनासो आएपछि सरकारले नयाँ व्यवस्था गरेको हो ।
