काठमाडौँ, २२ असोज। गैर आवासीय नेपाली संघ एनआरएनएको नवौं विश्व सम्मेलनका लागि प्रतिनिधिहरु राजधानी आउन सुरु,सम्मेलनमा ५५ देशबाट करिब २२ गैर आवासीय नेपाली सहभागि हुने ।
गैर आवासीय नेपाली संघ एनआरएनएको नवौं विश्व सम्मेलनका लागि प्रतिनिधिहरु राजधानी आउने क्रम सुरु भएको छ ।
एनआरएनएका सचिव जानकी गुरुङले बुधबारसम्म ५० भन्दाबढि देशका प्रतिनिधिहरु नवौं विश्व सम्मेलनमा भाग लिन काठमाडौं आईसकेको जानकारी दिनु भएको छ । एनआरएनएको सम्मेलन यही असोज २८, २९ र ३० गते काठमाडौंमा हुँदैछ । सम्मेलनमा ५५ देशबाट करिव २२ सय प्रतिनिधिहरु सहभागी हुने छन् । सम्मेलनमा सहभागी हुनेहरुको नाम दर्ता गर्ने क्रम बिहीबारबाट सुरु हुने सचिव गुरुङले जानकारी दिनु भयो ।
असोज २८ गते मंगलबार प्रधानमन्त्री ओलीले सम्मेलनको उद्घाटन गर्नु हुनेछ । त्यसपछि दोस्रो दिन २९ गते एनआरएनएको नयाँ नेतृत्व चयनका लागि निर्वाचन हुनेछ । ३० गते सम्मेलन समापन गर्ने कार्यक्रम तय गरिएको पनि एनआरएनले जनाएको छ । नयाँ नेतृत्वका लागि कुमार पन्त र कूल आचार्यले अध्यक्ष पदका लागि उम्मेदवारी घोषणा गरिसकेका छन ।
