एजेन्सी, १२ असोज । भारतको बिहार राज्यमा लगातारको बर्ष पछि आएको बाढीले १० जनाको मृत्यु भएको छ । बिहारको भागलपुरमा पर्खाल भत्कीदा ६ जनाको र खगौल शहरमा रुखले थिचेर ४ जनाको ज्यान गएको भारतीय संचार माध्यमहरुले जनाएका छन् ।
केही दिनदेखिको वर्षाले बिहारका विभिन्न भाग डुबानमा परेका छन् । बिहारको राजधानी पटनाको ८० प्रतिशत भाग डुबानमा परेको छ।पटनाका अधिकांश सडक डुबानमा परेपछि यातायात अवरुद्ध भएको छ ।
रेल र हवाइ सेवा पनि अबरुद्ध भएको छ । गाडी गुड्ने सडकमा निकै पानी जमेपछि डुंगा सञ्चालन गरिएको छ । डुबानमा फसेकाहरुको उद्धारमा डुंगा प्रयोग गरिएको छ ।