काठमाडौं, ७ साउन । नियमावली मस्यौदा पारित गरी स्थगित भएको काग्रेस केन्द्रीय समिति बैठक पर्सि बिहीबार बस्ने भएको छ । आज मंगलबारको लागि निर्धारण गरेको बैठक दुईदिन पर धकेलिएको हो ।
बैठकमा विधानअनुसारको संगठन निर्माण गरी १४औं महाधिवेशन प्रक्रिया अघि बढाउने, भातृ एवं शुभेच्छुक संघसंस्थाको विधान संशोधन र मान्यता प्रदान गर्ने लगाएत अन्य महत्वपुर्ण विषयहरुको छलफल गरि निर्णय गर्ने एजेण्डा थियो । बीपी स्मृति दिवसको कार्यक्रममा सहभागी हुन केन्द्रीय सदस्यहरु जिल्ला–जिल्ला जानुपर्ने भएकोले बैठक दुईदिन पर धकेलिएको प्रवक्ता विश्व प्रकाश शर्माले बताउनुभएको छ ।
काग्रेस बैठकमा संशोधित विधान अनुसार क्रियाशिल सदस्यता नविकरण एवं वितरण, पहिलो चरणको देशव्यापी जागरण अभियानको समिक्षा सहितको एकिकृत प्रतिवेदन पेश गर्ने, केन्द्रिय अनुशासन समितिको कार्यप्रगति पेश गर्ने, केन्द्रीय नीति अनुसन्धान तथा प्रशिक्षण प्रतिष्ठानद्धारा प्रगति विवरण प्रस्तुत गर्ने लगाएतका एजेण्डा पनि छन् । याे समाचार नेपाल समाचारपत्र दैनिक मा छ ।
