एजेन्सी, ५ साउन । पाकिस्तानको उत्तरपश्चिमी सहर देरा इस्माइल खानमा आइतबार भएको दुई छुट्टाछुट्टै आक्रमणमा परी ८ जनाको मृत्यु भएको छ । आक्रमणमा परी अन्य ३० जना घाइते भएका पाकिस्तानका प्रहरी अधिकारीले जनाएका छन मोटरसाइकलमा आएका हतियारधारी समूहले पश्चिम क्षेत्रमा रहेको एक प्रहरी चौकीमा आक्रमण गरेको जनाएको छ ।
उक्त आक्रमणमा परी दुई जना प्रहरीको मृत्यु भएको थियो । घटना लगत्तै प्रहरीको शव नजिकैको एक सरकारी अस्पताल पुर्याइएको थियो । प्रहरीको शव अस्पताल पुरयाउने बित्तिकै उक्त अस्पतालमा आत्मघातीबम विस्फोट भएको थियो ।
विस्फोटमा परी अन्य दुई प्रहरी र ४ जना सर्वसाधरणको मृत्यु भएको पाकिस्तानी प्रहरीले जनाएको छ । उक्त आक्रमणको जिम्मा तहरेक–ई–तालिबानले लिएको छ । उसले आफ्नो एक कमान्डरलाई प्रहरीले देरा इस्माइल खानमा हत्या गरेको ’बद्ला’ मा उक्त आक्रमण गरिएको जनाएको छ ।
