एजेन्सी, २० असार । अमेरिकाको क्यालिफोर्नियामा शक्तिशाली भूकम्प गएको छ ।
अमेरिकी जिओलोजिकल सर्वे (युएसजिएस) का अनुसार ६.४ म्याग्निच्युडको भूकम्प जाँदा भवनहरुमा क्षति पुगेको र केही ठाउँमा आगलागी भएको छ । भूकम्पको केन्द्रविन्दु क्यालिफोर्नियाको दक्षिणी क्षेत्रमा रहेको छ । लस एन्जलसबाट उत्तर तर्फ २४० किलोमिटरको दूरीमा पर्ने रिड्गेक्रेस्ट शहर केन्द्रविन्दु रहेको जनाइएको छ । उद्धार तथा राहतको काम जारी रहेको अग्निनियन्त्रकहरुले बताएका छन् । पछिल्लो दुई दशक यता कै शक्तिशाली भूकम्प रहेको जनाइएको छ । केन्द्रविन्दु रहेको शहरमा आपतकालीन अवस्था घोषणा गरिएको छ ।
